Ծնկան հոդի վարուսային ձևախախտման բուժումը

Ծնկան հոդերի դեֆորմացնող օստեոարթրոզները ժամանակակից բժշկության հրատապ խնդիրներից են: Ծնկան հոդերի օստեոարթրոզն ախտահարում է ինչպես ծնկան հոդը կազմող ոսկրային կառուցվածքները, այնպես էլ աճառներն ու շրջակա փափուկ հյուսվածքները: Օստեոարթրոզների բարձիթողի դեպքերում ցուցված է էնդոպրոթեզավորումը: Ստորև ներկայացված բուժման եղանակը կիրառվում է  հոդերի վարուսային ձևախախտմամբ ընթացող օստեոարթրոզի սկզբնական փուլում:

02.03.2015 թ. օրթոպեդիայի բաժանմունքում հիվանդ Գ.Գ., ծնված 1957թ., կատարվել է վարուսային ձևախախտմամբ ծնկան հոդի շտկման վիրահատություն բժիշկ-օրթոպեդ Հրաչյա Հարությունյանի կողմից:

Բուժման եղանակի էությունը համակցված վիրահատությունն է.

1.  ծնկան հոդի արթրոսկոպիա,
2. մեծ ոլոքի բարձր վալգուսային ոսկրահատում՝ Т-աձև թիթեղով ֆիքսմամբ:

Վիրահատության արդյունքում վերացվել են ներհոդային ախտահարումները, և ուղղվել է վերջույթի առանցքը, ինչը հնարավորություն է տվել դադարեցնել հիվանդի մոտ օստեոարթրոզի հետագա զարգացումը:

Վերը նկարագրված վիրահատության առանձնահատկությունն օստեոարթրոզի զարգացման դանդաղեցումն է, վերջույթի առանցքի ուղղումը՝ հետագայում մեծածավալ վիրահատական միջամտությունների կանխման նպատակով:

Վերջին 5 տարիների ընթացքում «Էրեբունի» բժշկական կենտրոնում հաջողությամբ կիրառվում է ծնկան հոդի վարուսային ձևախախտման բուժման համակցված վիրահատական միջամտության եղանակը և ունի հրաշալի արդյունքներ:

Հարցեր, պատասխաններ, մեկնաբանություններ